Противпожарната единица минатата недела имала 18 интервенции

Територијалната професионална противпожарна единица на Струмица минатата недела имала вкупно 18 технички и интервенции за настанати пожари. Најголем дел од интервенциите се гаснење на опожарена површина со сува трева, а се интервенирало и гаснење на дива депонија, отпаден материјал, гаснење на запалена електрична разводна табла во колективна станбена зграда, запален оџак во индивидуална семејна куќа и други интервенции. Бидејќи најголем дел од интервенциите се гаснење на запалена сува трева, од Територијалната професионална противпожарна единица апелираат до граѓаните да бидат повнимателни за да не бидат предизвикани последици од пошироки размери.