Прашајте го градоначалникотСредба со градоначалникот

Буџет за 2017 година

Буџет за 2016 година

Буџет за 2015 година

Буџетите на општината пред 2015 година и сите измени, дополнувања и ребаланси можат да се најдат во службените гласници од 2005-2017 кои се поставени на општинската веб страница.

Социјална карта на општина Струмица

Вести - Мај 2008

2008-5-10


28.05.2008 | ОДРЖЛИВ РАЗВОЈ И САМОВРАБОТУВАЊЕ НА ТЕЛЕСНО ИНВАЛИДИЗИРАНИ ЛИЦА. Градоначалникот на Општина Струмица, Зоран Заев во рамките на реализацијата на проектот „Одржлив развој и самовработување на телесно инвалидизирани лица“, ја стави во функција првата заштитна работилница за пакување на кристални производи и шеќер во рамките на ЗТИЛ Струмица „МЕСИЈА“...

Оваа Заштитната работилница е реализација на партнерска соработка помеѓу Општината, Центарот за одржлив развој „Порта“ од Струмица и ЗТИЛ Струмица, во насока на градење на капацитетите и вештините на телесно инвалидизираните лица, заради нивно вработување, самовработување и осамостојување.

Технолочкиот процес во Заштитната работилница започна со отпочнување на работата на машините за пакување на шеќер во пакување од 5-20 гр, машината за пакување на ситнозрнести производи во пакување од 5 -20 гр и машината за производство на пластични лажички.
Во Заштитната работилница за почеток свое вработување обезбедија 5 телесно инвалидизирани лица од Општина Струмица.





2008-5-9


28.05.2008 | ПРЕДАДЕНИ ВО УПОТРЕБА РЕНОВИРАНИТЕ ПРОСТОРИИ ВО ДОМОТ НА АРМ.
Денес, Градоначалникот на Општина Струмица Зоран Заев ги предаде реновираните и опремени (со компјутери) простории на Тренинг Центарот за обука на високообразовани небработени кадри кој ќе функционира во рамките на Институтот за Применета Технологија -Општина Струмица...

На свеченото отварање на Тренинг Центарот беа поканети и присуствуваа студентите кои ќе ги посетуваат овие обуки, тренерите кои ќе ги спроведуваат, претставници од локалната самоуправа и медиумите, претставници од бизнис секторот, а присуствуваа и голем број на заинтересирани граѓани од општината.

„ Овој Тренинг Центар ќе биде отворен пред се за струмичкото стопанство за сите бизнисмени кои ќе сакаат да подготват свој стручен кадар за идни манаџери, помошни директори, раководители на одделенија...“ порача Градоначалникот Зоран Заев и им посака успешна работа на сите кои ќе ги посетуваат овие обуки.

Проектот е финансиран од Европската агенција за реконструкција.



2008-5-8


23.05.2008 | ЗАПОЧНА ИЗГРАДБАТА НА ВОДОВОДНИТЕ МРЕЖИ ВО ПРОСЕНИКОВО, ДОБРЕЈЦИ, ДАБИЛЕ, ГРАДСКО БАЛДОВЦИ И БАНИЦА.
Во зависност од големината на населеното места изградбата ќе трае од 2 до 3 месеци. Тоа се последните пет населени места ма територијата на Општина Струмица кои немаат водоснабдителни системи. Вкупната сума на проектот е 34.500.000 денари, работи ги изведуваат 5 различни фирми, а сите средства се обезбедени од Буџетот на Општина Струмица...

2008-5-7


16.05.2008 | МАТУРСКА ПАРАДА 2008.
Oколу 400 средношколци од трите средни училишта од Струмица точно напладне танцуваа на градскиот плоштад на музика од Штраус. Танцот траеше 6 минути и 18 секунди. Матурантите од Струмица заедно со своите врсници од европските градови изведоа синхронизирано танцување на танцот Квадрил од штраусовата опера Лилјакот....

Градоначалникот на општина Струмица, Зоран Заев ги поздрави матурантите неколку минути пред почетокот на историскиот предизвик со кој струмичките матуранти заедно со своите врсници од неколку европски градови ќе се обидат да влезат во Гинисовата книга на рекорди.

“Струмица со сите свои белези на современ град кој тежнее кон европските вредности го заслужува своето место на светската мапа за одржување на овој чудесен спектакл. Драги матуранти, Гледајќи ве така млади, стројни и убави и верувајќи дека од вас извира препознатливиот струмички темперамент убеден сум дека со својот танц ќе испратите топла порака со многу љубов до младите луѓе од сите мердијани да се знае дека Струмица пулсира во ритамот на современиот живот кој го диктираат младите. Бидете горди што на ваков начин го одбележувате испитот на зрелоста, бидете горди што сте дел од овој европски танц, бидете горди оти и Струмица се гордее со Вас. Честитајќи ви го матурирањето ви посакувам со помош на Квадрил да влезете во Гинисовата книга на рекорди и тоа да биде еден од убавите спомени во Вашиот живот. Танцувајте со лесен чекор и со ист таков чекор зачекорете во вашиот иден живот прифаќајки ги успешно сите предизвици што тој ги носи.”

Истовремено танцуваа матурантите и во Словенија, Унгарија, Хрватска, Босна и Херцеговина, Србија и во Црна Гора. Покровител на оваа манифестација беше Градоначалникот на општина Струмица.



2008-5-6


16.05.2008 | АСОЦИЈАЦИЈАТА „ХЕПТА„ СО БЛАГОДАРНИЦА ЗА ЗОРАН ЗАЕВ По повод 19 Мај, Светскиот ден за борбата против Хепатитис Б и Ц, Асоцијацијата за здравствена едукација, превенција и подобар третман „ХЕПТА„ денес на плоштадот „Гоце Делчев„, му додели Благодарница на Зоран Заев, Градоначалник на општина Струмица за особено залагање во здравствената едукација на граѓаните на општина Струмица...

Во рамките на Кампањата под мотото „ДАЛИ СУМ И ЈАС БРОЈОТ 12„ Асоцијацијата за здравствена едукација, превенција и подобар третман „ХЕПТА„ ги спроведуваше активности со цел информирање и едукација на граѓаните на општина Струмица за се поголемата опасност од заразни заболувања, посебно Хепатитис Б и Ц.

На Зоран Заев, Градоначалникот на општина Струмица за својот особен допринос и залагање за успешно спроведување на кампањата, му беше доделена Благодарница.



2008-5-5

09.05.2008 | ЗАПАЛЕН ОЛИМПИСКИОТ ОГАН ВО СТРУМИЦА.
Околу 500 ученици од повеќе средни училишта од државата учествуваат на Средношколската олимпијада што беше отворена вчера и ќе трае до 10 Мај. Домаќин на олимпијадата е Општина Струмица, а од името на домаќинот олимпијадата ја отвори Градоначалникот Зоран Заев кој рече:...

“Вечерва сме сведетели на создавањето на еден чудесен спој кој прави симбиоза меѓу 3 работи кои се совпаѓаат и надополнуваат, 3 работи кои образуваат дел од убавината на човечкото живеење. Ако се прашувате кои се тие три работи веднаш ќе ви кажам: првата е младоста, втората е спортот а третата е Струмица.“

Покрај свеченото дефиле на учесниците, заклетвата на спортистите и судиите, палењето на олипмискиот оган од страна на младата алпинистка Билјана Серафимовска, беше изведена и богатата програма што му даде извонреден белег на чинот на отворањето на третата средношколска олимпијада која се одржува во Струмица.

Организатор на средношколската олимпијада е Федерацијата на училишпен спорт на Македонија а покровител Градоначалникот и Советот на општина Струмица.









Страница 1 од 2

© 2005-2017 Општина Струмица, ул."Сандо Масев" бр.1, 2400 Струмица, Република Македонија, тел.00389(0)34 348030, факс.(034)320544