Вести - Август 2012
Градежна офанзива во Струмица PDF Печати

Со намалувањето на високите температури се интензивираат градежните активности во Струмица. На неколку локации во градот се реконструираат тротоари и се асфалтираат улици. Целосно со нов слој асфалт се покриени улиците „Мито Хаџивасилев Јасмин“, „Дрварска“, „Неретва“ и дел од „Крушевска Република“. На овие улици вкупната површина под втор слоја асфалт изнесува 3.800 метри квадратни. Од секторот за урбанизам и комунални работи при општина Струмица, информираа дека во подготовки за поставување втор слој асфалт меѓу планираните активности се и булеварите „Ленинова“ и „Гоце Делчев“ како и четирите мостови на улицата „Крушевска Република“ или вкупно под нов асфалт ќе бидат  14 илјади метри квадратни. За тековните и наредните активности, повеќе можете да слушнете од изјавата на Стојан Динев, раководител на секторот за урбанизам и комунални работи во општина Струмица.

 
Проектот за интеркултурна размена меѓу децата од Струмица и Швајцарија во завршна фаза PDF Печати

Четириесетте ученици од петте основни училишта кои од 15 до 29 август престојуваа во детското село Песталоци во Троген, Швајцарија, се вратија во Струмица. Со тоа заврши вториот дел од проектот за интеркултурна размена на учениците од основните училишта во Струмица со учениците од Швајцарија. Децата се вратија во своите домови исполнети со емоции од разделбата и другарувањето во детското село, некои ученици таму го прославија и својот роденден, а екскурзиите во текот на викендите им беа дел од обуката за запознавање на Швајцарија.

 
Улицата „Ванчо Китанов“ со нов тротоар PDF Печати

Почна реконструкцијата на тротоарот од двете страни на улицата „Ванчо Китанов“ во Струмица. Во текот на денешниот ден ќе се отстрануваат бетонските подлоги и ќе се прават ископи за поставување на уличното осветлување од десната страна на улицата, кај основното општинско училиште „Сандо Масев“.

 
Се е подготвено за стартот на новата учебна година PDF Печати

Во сите основни и средни училишта на подрачјето на општина Струмица се е подготвено за новата учебна година која ќе почне в понеделник, на трети септември. На првото училишно ѕвонче најмногу ќе му се радуваат 517 деца кои за прват ќе седнат во училишните клупи, толку годинава се запишаа во прво одделение во деветте основни училишта во општината.

 
Советот на општина Струмица одобри стипендија за ќерката на Пено Стојанов PDF Печати

Градоначалникот на општина Струмица Зоран Заев и Советот на општината, уште еднаш на дело ја потврдија хуманоста и почитта што ја имаат кон луѓето кои трагично ги загубија своите животи бранејќи го градот од огнената стихија на 23 јули годинава.

 
Отворени забавни фудбалски игри во Струмица PDF Печати

На градскиот стадион „Младост“ во Струмица почнаа отворените забавни фудбалски игри за децата од општина Струмица. Во нив учествуваат деца кои тренираат фудбал во општинските клубови, но и деца кои досега не го тренирале овој спорт. Помошното игралиште на стадионот денеска беше полно со дечиња кои преку забава тренираа фудбал и меѓусебно се дружеа.

 
Регионален Шелтер центар во Струмица PDF Печати

Жртвите на семејно насилство од југоисточна Македонија наскоро ќе добијат Шелтер центар.

 
Проект за интеркултурна размена на учениците од ооу од општина Струмица и учениците од Швајцарија PDF Печати

Веќе дванаесетти ден во Детското село Песталоци-Троген, Швајцарија, активно се изведуваат планските активности од проектот за интеркултурна размена, поддржан од општина Струмица, Учениците од неколку ООУ од општина Струмица, со помош на инструктори и предавачи од Детското село Песталоци, досега работеа на тема идентитет, презентација на карактер и личност, со меѓусебна комуникација и секојдневно дружење.

 
Општина Струмица ги почитува препораките за заштита од топлотниот бран PDF Печати

Југоисточниот регион, во кој спаѓа и струмичкиот, повторно е во портокалова фаза, со температури над 40 степени и висок индекс на УВ зрачење. Со ова повторно на сила стапија препораките да се избегнува работа на отворено во најтоплиот период од денот, односно од 11 до 17 часот.

 
«ПочетокПред12345СледноКрај»

Страница 1 од 5