Вести - Август 2015
Првиот училишен час за првачињата ќе започне утре во девет часот PDF Печати

Одделението за образование при општина Струмица ги известува родителите чии деца се запишани во прво одделение дека првиот училишен час ќе  почне утре (01.09.2015г.) со почеток во 9 часот во сите општински основни училишта.Исто така, од одделението ги покануваат учениците и родителите  да присуствуваат на свечената програма која со почеток во 10 часот ќе се одржи пред Домот на АРМ.

 
Се одржа презентација за заштита на птиците грабливки со поддршка од општина Струмица PDF Печати

Вчера попладне на плоштадот „Гоце Делчев“ се одржа презентација за заштита на птиците грабливки во организација на здружението „Балд Еагле – Халиаеетус Леуцоцепхалус“. Оваа презентација е една од проектните активности на здружението   финансиски поддржана од општина Струмица преку Програмата G1 за поддршка на локалниот економски развој.

 
„Комуналец“ гради еко остров на спојот на улицата „Моша Пијаде“ со „11 Октомври“ PDF Печати

Согласно програмата за зголемување на јавната чистота во градот, Јавното претпријатие за комунални дејности „Комуналец“ гради еко остров кај детското игралиште на спојот на улицата „Моша Пијаде“ со „11 Октомври“. Бетонскиот фундамент е веќе поставен и се градат ѕидовите, а ќе има и покрив.


 
Градоначалникот Заев присуствуваше на одбележувањето на`"Успение на Пресвета Богородица" PDF Печати

По повод денешниот христијански празник ,,Успение на Пресвета Богородица,, градоначалникот на општина Струмица Зоран Заев денес го посети истоимениот црковен храм во изградба, во кој се одржа пригодна црковна свеченост во чест на празникот.

 
Градоначалникот Заев:Струмица е единствена општина во Република Македонија со нула обврски за кредити PDF Печати

Буџетот на општина Струмица за вториот квартал од 2015 година има реализација од 42 проценти. Кварталниот извештај беше усвоен на денешната 30-та седница на Советот на општина Струмица. Овој процент на реализација беше поздравен од советниците на СДСМ, но и од координаторот на советничката група на ВМРО ДПМНЕ, Зоран Пакетов.Градоначалникот Зоран Заев покрај задоволството од реализацијата на буџетот, со советниците го сподели и задоволството од плаќањето на последната рата од обврските по МЕАП програмата, со што Струмица е единствената општина во Република Македонија со нула обврски за кредити.

 
Основното училиште „Видое Подгорец“ е подготвено за новата учебна година PDF Печати

Како и во минатите години, така и оваа за време на летниот распуст реализирани се повеќе зафати во општинското основно училиште „Видое Подгорец“ во Струмица. Според Леонид Танчев директор на училиштето, заменети се плафоните во тоалетите, извршено е бојадисување на училиштето и спортската сала и комплетна дезинфекција. Исто така, во завршна фаза е хортикултурното уредување во училишниот двор, а според планот ќе се изврши вградување на грејни тела за затоплување на спортската сала.Сите овие зафати овозможуваат подобрување на условите за изведување на воспитно – образовниот процес и за учениците и за вработените во училиштето.

 
Решение за свикување на триесетата седница на Советот на општина Струмица PDF Печати

Врз основа на член 48 став 1 точка 1 од Законот за локалната самоуправа („Службен весник на Република Македонија” бр. 5/02) и член 57 став 1 од Деловникот на Советот на општина Струмица (“Службен гласник на општина Струмица” бр. 2/06), донесувам

 
Струмичкото поле ги отвори вратите за велосипедска прошетка за запознавање со културните знаменитости PDF Печати

На 13 септември ќе се одржи велосипедска прошетка „Културното наследство низ Струмичкото поле“, а во организација на Одржливи иницијативи – Скопје и ВК Актив – Струмица, а во партнерство со општина Струмица. Оваа велосипедска прошетка има за цел да го промовира велосипедизмот како семејна активност и затоа подготвени се две рути, една рамна за секој кој сака да учествува, па дури и со градски велосипед и една висока рута за велосипедистите кои сакаат предизвик.

 
Во општина Струмица извршен е хуман третман на 17 кучиња скитници PDF Печати

Од крајот на минатиот месец кога почна да се реализира хуманиот третман на кучињата скитници, на територијата на општина Струмица извршено е заловување на вкупно 17 кучиња по пријави од граѓаните.Заловувањето го врши ДТУ Ветеринарна клиника „Анри вет“

 
«ПочетокПред12345678СледноКрај»

Страница 1 од 8