Прашајте го градоначалникотСредба со градоначалникот

Буџет за 2017 година

Буџет за 2016 година

Буџет за 2015 година

Буџетите на општината пред 2015 година и сите измени, дополнувања и ребаланси можат да се најдат во службените гласници од 2005-2017 кои се поставени на општинската веб страница.

Социјална карта на општина Струмица

Вести - Октомври 2015

Струмица стана член на меѓународната Асоцијација на градовите – носители на порака на мирот

Од денеска општина Струмица е член на меѓународната Асоцијација на градовите – носители на порака на мирот. Повелбата за полноправно членство му беше врачена на претседателот на Советот на општина Струмица, Јосиф Христов на собранието кое што се одржува во Куманово, а на кое учествуваат претставници од повеќе светски градови. Во Асоцијацијата членуваат градови кои биле препознати по својот придонес за зачувување на мирот, соживотот, почитување на човековите права, слободата и демократијата. Пред потпишувањето на Повелбата, присутните на Собранието ја запознаа општина Струмица преку видео презентацијата која што ја подготви тим од Секторот за локален економски развој.

Струмица го доби првото „Италијанско ќоше“ го отворија амбасадорот Белели и градоначалникот Заев

Од синоќа во просториите на домот на АРМ, Струмица го има првото „Италијанско ќоше“ во Република Македонија. Во рамките на одбележувањето на „Неделата на италијанскиот јазик“, ова културно – забавно катче го отворија амбасадорот на Република Италија во Македонија, Ернесто Масимино Белели и градоначалникот на општина Струмица, Зоран Заев. Тие потпишаа и Меморандум за соработка за реализација на овој проект, а со цел продлабочување на соработката на полето на културата, туризмот и економијата помеѓу амбасадата на Италија и општина Струмица.

Заврши дератизацијата против глодачи

Општина Струмица ја заврши дератизацијата против глодачи. Со оваа постапка беа опфатени сите шахти на канализационата мрежа, а ја спроведе фирмата „Лиса Ком МС“ од Кавадарци која беше избрана за најповолен понудувач на распишаниот јавен повик за дезинсекција и дератизација на територијата на општина Струмица.

Продолжува реализацијата на програмата за инклузивно образование на ранливи групи ученици во ООУ „Видое Подгорец“

Под мотото „Работење заедно за создавање инклузивни училишта“, а во рамките на програмата Инклузивно образование, во основното општинско училиште „Видое Подгорец“ од Струмица се реализираше дисеминација (ширење на знаењата)  на модулот 2.Дисеминацијата ја спроведоа стручните соработници и наставници од училиштето, кои претходно ја следеа обуката во која беа опфатени повеќе области и активности, како што се, комуникација за градење врски, разбирање на ограничувањата на учеството, градење тимови и коалиции за инклузија.

Запoчнаа Отворените забавни фудбалски школи во Струмица

Денеска по 16-ти пат започнаа Отворените забавни фудбалски школи во кои учествуваат над 200 деца од основните училишта „Сандо Масев“, „Видое Подгорец“, „Маршал Тито“ и „Никола Вапцаров“ од Струмица. Целта е децата да се дружат меѓусебе играјќи разни игри поврзани со фудбалот, без разлика на полот, возраста и фудбалското знаење. Овие школи девет години по ред се финансирани од буџетот на општина Струмица, а за отворени, денеска, ги прогласи претседателот на Советот на општина Струмица, Јосиф Христов.

Се асфалтираат ударните дупки во Добрејци

Општина Струмица продолжува со реализацијата на програмата за улици и патишта за 2015 година. Денеска се санираа дупките на улиците во населеното место Добрејци, а согласно програмата, санирањето ќе продолжи и во наредниот период.


Страница 1 од 12

© 2005-2017 Општина Струмица, ул."Сандо Масев" бр.1, 2400 Струмица, Република Македонија, тел.00389(0)34 348030, факс.(034)320544