Вести - Декември 2015
Новогодишно обраќање на градоначалникот Зоран Заев до граѓаните на општина Струмица PDF Печати

Почитувани сограѓани

 Во моментите кога ги одбројуваме последните часови од годината со која наскоро ќе се збогуваме, мора да знаеме дека секој крај  е само најава за нов почеток, а секој  нов почеток е нова животна шанса, нов предизвик, нова можност  која треба да се  искористи.

Во бројчаникот на нашите животи додаваме уште една бројка плус, свесни дека она што поминува никогаш повеќе нема да се врати. Репризите се возможни само на телевизија, а во нашиот животен серијал ние сме дел од нови и нови епизоди.  Какви ќе бидат  тие, зависи од нас и од нашата умешност да ги совладуваме бариерите на времето во кое  живееме. Мора да знаеме дека животот е краток и не смееме да го потрошиме бадијала, ниту пак треба да дозволиме некој друг да го троши во наше име. Животот е само наш и само еден.  Но, во исто време, имаме нешто што е заедничко.  Заедничка ни е општината  во која живееме, заедничка ни е Струмица, заедничка ни е Република Македонија.  А тоа што е заедничко, треба заеднички и да го чуваме, негуваме и надградуваме, за утре-задутре да им го оставиме во наследство на нашите поколенија.

 
Градоначалникот Заев им подари новогодишни пакетчиња на децата од социјално загрозени семејства PDF Печати

Традиционално и оваа како и минатите години, градоначалникот Зоран Заев и општина Струмица им подарија новогодишни пакетчиња на децата од социјално загрозените семејства. Новогодишното дружење се одржа во домот на АРМ, каде што дечињата во присуство на нивните родители се радуваа и фотографираа со Градоначалникот и Дедо Мраз. Градоначалникот Зaев им посака многу здравје, среќа и успех во Новата 2016 година.


 
Полесен пристап до информации за дијабетичарите од Струмица – проект поддржан од општина Струмица PDF Печати

Здружението Сино Срце ДМ од Струмица ја пушти во употреба својата веб страница која има за цел да овозможи полесен пристап до информации за лицата со дијабетес мелитус како и нивните згрижувачи, која преставува активност од проектот на здружението кој финансиски е поддржан од општина Струмица преку V2 Програмата за социјална заштита за 2015 година.„Во изминатиот период се работеше на идејата како да се креира полесен пристап до информации за Дијабетесот, успешни стории за лица со дијабетес, начини на исхрана и здрав живот и најважното за лицата со дијабетес, контролата на гликемиите.

 
Здружението за заштита на птиците грабливки го завршува проектот поддржан од општина Струмица PDF Печати

Здружението за заштита на птиците грабливки и природни реткости „Балд Еагле – Халиаеетус Леуцоцепхалус“ од Струмица ја реализира последната проектна активност за 2015 година финансиски поддржана од општина Струмица преку Програмата G1 за поддршка на локалниот економски развој.-Во рамките на оваа проектна активност вршевме едукација на децата во основните училишта за заштитата на птиците грабливки со цел спречување на предрасудите уште од мали нозе. Децата имаа можност да видат сокол во живо. За овој добиен грант изразуваме благодарност до општина Струмица, одделението за локален економски развој и градоначалникот Зоран Заев, рече Доне Тодоров претседател на Собранието на здружението „Балд Еагле – Халиаеетус Леуцоцепхалус“.


 
Здружението „НОВУС“ одржа завршна конференција за проектот поддржан од општина Струмица PDF Печати

Здружението „НОВУС“ организираше завршна конференција на која се даде отчет пред јавноста за сработеното во рамките на проектот „Запознај ја европската унија – делувај европски“, а воедно се презентираа и наодите од истражувањето. Проектот е поддржан и финансиран од општина Струмица и имаше за цел да го подигне нивото на информираност на граѓаните, со посебен акцент на младата популација, за вредностите и политиките на Европската унија.Во рамките на целиот проектен циклус ние организиравме работилница за запознавање со Европската унија и институциите на ЕУ, работилница за запознавање со Еразмус+ програмата и јавна дебата на тема „ЕУ е дел од решението, но и од проблемот во Македонија“.

 
На 34-та седница на Советот беа усвоени повеќе програми, одлуки и решенија во интерес на граѓаните PDF Печати

Советот на општина Струмица ја одржа 34-та и последна седница во оваа 2015 година. Покрај усвојувањето на буџетот за 2016 година, советниците ги усвоија и предлог програмите за уредување на градежното земјиште на подрачјето на општина Струмица за 2016 година, за изградба, реконструкција, одржување и заштита на локални патишта и улици, за одржување на јавното осветлување, за изработка на урбанистички планови, за одржување на јавната чистота во 2016 година, за одржување на јавно зеленило, за активностите на општина Струмица од областа на културата, спорт и млади, за активностите на општина Струмица во областа на локалниот економски развој и туризмот, за областа на социјалната и детската заштита, за одбележување на годишнини на значајни настани и истакнати личности, за работа со облиците на месна самоуправа, за активностите на општина Струмица во областа на заштитата и спасувањето, противпожарната заштита и справувањето со кризи и предлог-програмата на општина Струмица во областа на еднаквите можности на жените и мажите за 2016 година.

 
Новогодишни пакетчиња за децата на болничко лекување во струмичката болница PDF Печати

Градоначалникот Зоран Заев и општина Струмица, денеска, уште еднаш ја потврдија  својата општествена одговорност и грижа за најмладите иако тоа го прават континуирано во сите изминати години. По повод новогодишно – божиќните празници, им беа поделени новогодишни пакетчиња на децата кои што се на болничко лекување во детското одделение во јавната здравствена установа „Општа болница“ во Струмица.

 
Градоначалникот Заев: Во буџетот за 2016 година се проектирани преку 400 капитални проекти PDF Печати

Советот на општина Струмица на денешната 34-та седница го усвои буџетот за 2016 година кој што тежи 1.076.000.000 денари, или со дадената согласност за кредитно задолжување би тежел 1.116.000.000 денари. Тука се вклучени блок дотациите, самофинасирачките активности и донациите кои што ги добива Општината, а основниот дел на буџетот тежи 545 милиони денари  кој што зависи само од приходите на општина Струмица.

 
Градоначалникот Заев им ја честиташе Новата година на децата со аутизам PDF Печати

Градоначалникот на општина Струмица, Зоран Заев, денеска, престојуваше во паралелките за образование на деца со аутизам при основното општинско училиште „Сандо Масев“. Ова е традиционална средба која секоја година се одржува пред новогодишните празници, а на која градоначалникот Заев покрај континуираната помош, лично им ја честита Новата година посакувјќи им и на децата се најубаво во истата.Оваа година ја завршуваме успешно во соработка со вработените од центарот за аутизам, со дечињата и нивните родители, а намерата е да продолжиме да ги унапредуваме делот на образовниот процес и секојдневието на децата.

 
«ПочетокПред12345678СледноКрај»

Страница 1 од 8