Вести - Март 2016
Во завршна фаза е хортикултурното уредување на булеварот „Маршал Тито“ PDF Печати

Булеварот „Маршал Тито“ на потегот од кружниот тек кај ЕВН до излезот на градот кон населеното место Куклиш доби нов лик. По реконструкцијата на средната лента и поставувањето на жардинериите, деновиве, во завршна фаза е хортикултурното уредување. Овој зафат го реализираа општина Струмица и Јавното претпријатие за комунални дејности „Комуналец“.

 
Архивата во Секторот за урбанизам и комунални работи денеска ќе работи до 24 часот PDF Печати

Како Општина која секогаш е во служба на своите граѓани, општина Струмица ги известува сите физички и правни лица дека денеска (31.03.2016г.) Архивата во Секторот за урбанизам и комунални работи на Општината ќе работи до 24 часот.
Работното време се продолжува за да им се излезе во пресрет на сите граѓани и правни лица кои планираат да го искористат последниот ден за поднесување барања за легализација на бесправно изградените објекти.
Физичките и правни лица кои што веќе имаат поднесено барање за легализација геодетските елаборати треба да се достават до 31 декември 2016 година.

 
Општина Струмица го уредува просторот кај Габровските водопади PDF Печати

Општина Струмица почна со реализација на проектот за уредување на туристичкиот локалитет Габровски водопади. Уредувањето чини околу два милиони денари, а целта е да се зголеми посетеноста на домашните и странските туристи и да се подобрат условите за развој на селскиот туризам.


 
Преку изложба на фотографии презентиран дел од културното наследство на Чешка во Струмица PDF Печати

„Замоци, дворци и споменици на УНЕСКО во Република Чешка“ ова е насловот на изложбата на фотографии која што синоќа беше отворена во центарот за култура „Антон Панов“ во Струмица. Изложбата ја отвори амбасадорот на Република Чешка во Република Македонија Мирослав Рамеш, а присуствуваа претседателот на Советот на општина Струмица, Јосиф Христов, негови членови и граѓани почитувачи на културното наследство.


 
Се уредува паркот во населеното место Костурино PDF Печати

Општина Струмица продолжува со уредувањето на парковите во населените места. По уредувањето на парковите површини во Свидовица и Просениково, започна уредувањето на паркот во населеното место Костурино. И овој парк ќе добие нова тревна површина, хортикултурно уредување, клупи, канделабри и канти за отпадоци. Уредувањето на паркот во Костурино е во рамките на проектот за уредување на парковите во пет населени места, а кој чини над три милиони денари обезбедени од буџетот на општина Струмица. По Костурино ќе се уредуваат парковите во Куклиш и Муртино. Проектот значи уште една потврда дека градоначалникот Зоран Заев и Советот на општина Струмица, продолжуваат со напорите за подобрување на животот на граѓаните во населените места и на целата територија на Општината.

 
Димитар Бајрактаров од СОУ „Јане Сандански“ го освои првото место на државниот натпревар по програмирање PDF Печати

Со освоени 414 поени ученикот Димитар Бајрактаров од средното општинско училиште „Јане Сандански“ од Струмица го освои првото место на државниот натпревар по програмирање од областа на информатиката. На натпреварот кој што викендот се одржа на ФИНКИ во Скопје учествуваа 110 ученици од целата држава. Со освојувањето на првата награда Бајрактаров ќе учествува на олимпијадата која што ќе се одржи за две недели.

 
„Комуналец“ со апел до граѓаните: Не создавајте диви депонии кога можеме вашиот отпад да го подигнеме од дома PDF Печати

Јавното претпријатие за комунални дејности „Комуналец“ денеска упати апел до граѓаните на општина Струмица да престанат со создавање на диви депонии во градот, затоа што претпријатието има капацитет, отпадот на граѓаните да го подигнува од пред нивните домови. Раководителот на работната единица „Чистота“ Бранко Ѓоргиев информираше дека и покрај редовното подигнување на отпадот, на неколку улици во градот постојано се создаваат диви депонии. Како пример ја посочи улицата „Ѓорѓи Василев“ каде што иако во петокот бил подигнат отпадот, денеска, таму граѓаните веќе направиле нова депонија.


 
По повод денешниот Светски ден на театарот градоначалникот Зоран Заев упати честитка до театарските работници од Општина Струмица PDF Печати

Во честитката се вели: „Почитувани театарски работници, денес имате убава причина да ја чествувате Божицата Талија.Денешниот Светски ден на театарот востановен пред 55 години, уште еднаш ви дава до знаење колку е значајна уметноста која е предмет на Вашиот професионален интерес и ангажман.Потврда за тоа значење ви даваат и рускиот режисер Анатолиј Василев во Светската порака по повод овој ден, како и нашиот режисер Бранко Ставрев во својата македонска порака.Бидете горди на Вашата професија и ширете ја вонвременската мисија на театарската уметност.

Нека ви е честит и вековит Светскиот ден на театарот''.

 
Почна реализацијата на проектот „Да, и девојките играат фудбал“ поддржан од градоначалникот Заев и Советот на Општината PDF Печати

На предлог на градоначалникот Зоран Заев, Советот на општина Струмица  финансиски го поддржа проектот „Да, и девојките играат фудбал“ чиј носител е женскиот фудбалски клуб „Тиверија“ од Струмица преку девојките од првиот тим на истиот. Реализацијата на проектот почна денеска на фудбалското игралиште со вештачка трева.

 
«ПочетокПред12345СледноКрај»

Страница 1 од 5