Таа година и на политички и на економски план беше многу оптоварена со многу настани, избори, законски ограничувања со кои не можат одредени активности да се вршат од страна на општината. Познато ви е дека околу изборите со некои рокови имавме ограничувања во продажба на земјиште и други активности кои што се еден од главните елементи на полнење на буџетот и тоа по мене е една од главните причини зошто процентот на реализација е нешто послаб од вообичаено, меѓутоа, компарирајќи со другите општини во Републиката, гледаме дека и нашиот процент и не е толку лош, има и полоши, дури сме и меѓу најдобрите, еве да ви кажам најискрено, тоа можат да го потврдат и службите, јас се интересирав за тие моменти, навистина е така. Тоа е главната причина, а за оваа година, нашиот удел во креирањето и остварувањето на буџетот ќе биде поголем. Се надевам дека и состојбата во државата на политички и економски план ќе биде постабилна и нема да имаме такви ограничувања и моменти и ќе се заложиме максимално да го оствариме буџетот. Вие знаете дека ние не се послуживме со алатката ребаланс на буџетот да ги корегираме приходните делови и на тој начин можевме да покажеме и поголем процент, меѓутоа, тоа не ни беше целта, имавме и некои сугестии во тој правец, но ова е реално како што е и мислам дека нема што да прикриваме, таа е вистинската фактичка состојба која што беше одраз на целокупната состојба во Републиката и сепак сме подобри и секогаш ќе се трудиме овој процент да биде поголем и секогаш бил поголем за разлика од оваа година, рече градоначалникот Јаневски.

На седницата беа усвоени и повеќе предлог – извештаи, одлуки и програми во интерес на граѓаните.