Почитувани сограѓани од исламска вероисповед,

Повторно  го дочекавте  големиот ден  во кој  го славите Вашиот  духовен триумф  даден од верата, молитвите и Рамазански пост, ползувајќи ги четирите димензии на Рамазан, преточени во духовноста, моралот, солидарноста и здравјето. Заокружувајќи го месецот на добрината, милоста, љубовта и простувањето, Вие ги заслуживте богатите дарови од Рамазан исполнети со душевен мир, бериќет и милосрдие.

Ви посакувам да сте живи, здрави, среќни, весели и исполнети со љубов,  а портите на вашите домови да бидат секогаш отворени за споделување на убавите нешта.

Нека Ви е честит Рамазан Бајрам. Нека Ви е вековито празнувањето.