ЈАВЕН ПОВИК

за субвенционирање на граѓаните на Општина Струмица за купување на велосипед за 2026 година

1. Опис на јавниот повик

Општина Струмица, со цел да ги поттикне жителите на градот и населените места да користат велосипеди како здрав и еколошки начин на транспорт, доделува финансиска поддршка за купување нов велосипед. Субвенциите се наменети за граѓаните кои ќе набават нов велосипед по објавувањето на овој повик, а ќе се реализираат сè додека не се исцрпат предвидените средства од буџетот за 2026 година.

Општина Струмица ќе ги субвенционира граѓаните со поврат на средства во висина од 50% од вредноста на купениот велосипед. Максималниот износ на поддршката е ограничен во зависност од категоријата на велосипедот, и тоа:

• Барањата од Јавниот повик ќе бидат разгледувани согласно претходно утврден распоред, по нов пристап на јасно утврдени критериуми што обезбедуваат транспарентност и оправданост во користењето на јавните пари. Општина Струмица се обврзува периодично да ја информира јавноста за износот на преостанати средства од Програмата, со цел граѓаните да бидат навремено известени за достапноста на субвенциите.

2.  Право на учество на Јавниот повик

• Право на учество на Јавниот повик имаат жителите на Општина Струмица, кои ќе купат нов велосипед во Република Северна Македонија од денот на објавувањето на јавниот повик, сè до исцрпувањето на буџетот наменет за Јавниот повик, и кои ги исполнуваат условите од овој Јавен повик.
• Вработените со потесното семејство во Општина Струмица и петте јавни претпријатија ЈПКД „Комуналец”, ЈП „Струмица Гас”, „Стационар Лана”, ЈП

„Паркиралишта” и ЈП „Струмица Транспорт” немаат право на учество на Јавниот повик.

• Лицата кои веќе оствариле право на финансиска поддршка преку Програмите за субвенционирање за купување велосипед на Општина Струмица во 2023, 2024 и 2025 година, немаат право на учество на овој Јавен повик.

3.  Услови што треба да ги исполни барателот

Барателот треба да ги исполни следниве услови:

• Живеалиште: Да биде жител на Општина Струмица (со постојано место на живеење на територијата на општината).
• Возраст: Да е полнолетно лице (да има наполнето 18 години).
• Временски рок: Новиот велосипед да биде купен во периодот од 23.03.2026 година па сè до исцрпување на предвидените буџетски средства.
• Претходно користење: Да нема добиено субвенција за истата намена од Општина Струмица во последните три години (2023, 2024 и 2025 година).
• Документација: Да достави комплетна и валидна документација, во согласност со барањата и критериумите наведени во овој Јавен повик.

4.  Начин на пријавување на Јавниот повик

За остварување на правото на субвенција, барателот е должен до Општина Струмица да ја достави следната документација:

• Пополнето Барање за субвенција – образецот може да се преземе од официјалната веб-страница на Општина Струмица
• Доказ за жителство – Kопија од важечка лична карта или пасош (со адреса на живеење во Општина Струмица).
• Копија од трансакциска сметка – на име на барателот.
• Доказ за извршено купување – оригинална фискална сметка со јасно наведени ставки за видот на велосипедот.
• Испратница/Техничка документација – во која јасно се наведени моделот и серискиот број на купениот велосипед.
• Фотографија од велосипедот – во печатена или електронска форма.
• Изјава од економскиот оператор (продавачот) – (со потпис и печат), со која се потврдува веродостојноста на податоците во фискалната сметка и се гарантира дека истата нема да биде сторнирана.
• Изјава од барателот – потпишана под материјална и кривична одговорност, со која се потврдува дека:
  • Велосипедот е купен за лична употреба;
  • Сите доставени податоци се вистинити;
  • Производот нема да биде вратен со цел злоупотреба на средствата.

• Едно лице може да поднесе само едно барање за добивање на субвенција за купување на велосипед.
• Барањата за субвенција, заедно со целосната придружна документација, се доставуваат во затворен плик. Граѓаните треба да ги достават документите до Секторот за локален економски развој при Општина Струмица, кој е сместен во просториите на Домот на АРМ на ул. „Благој Јанков – Мучето“ бр. 37. Приемот на документите се врши преку Архивата на Секторот, секој работен ден во периодот од 08:00 до 16:00 часот.
• На пликот треба да е наведено „Јавен повик за субвенционирање на граѓаните на Општина Струмица за купување на велосипед во 2026 година“ со назнака НЕ ОТВАРАЈ.
• Архивата на Општина Струмица примените барања ќе ги евидентира со точниот датум на поднесување, заради воспоставување редослед по кој ќе се разгледуваат барањата.

5.  Начин на спроведување на Јавниот повик

• За оперативно спроведување на овој Јавен повик, Градоначалникот на Општина Струмица формира посебна Комисија за спроведување на постапката, која е задолжена за евалуација на пристигнатите барања и проверка на нивната согласност со утврдените критериуми.
• Во зависност од динамиката со која пристигнуваат пријавите, Општина Струмица периодично и транспарентно ќе ја информира јавноста за преостанатиот износ на расположливи средства, сè до нивното целосно искористување.
• Исплатата на средствата ќе се врши сукцесивно, според редот на пристигнати барања.
• Финансиските средства официјално се сметаат за доделени во моментот кога, на предлог на Комисијата, Градоначалникот ќе донесе конечно Решение за исплата на средствата.

6. Верификација на пазарната вредност

Со цел заштита на општинскиот буџет и обезбедување наменско трошење на средствата, Комисијата врши задолжителна проверка на реалната пазарна вредност на набавениот велосипед преку споредба со јавно достапни цени (од повеќе продажни места или релевантни интернет страници).

При евалуацијата, Комисијата е должна да го евидентира изворот на информации за пазарната вредност, а конечната одлука за висината на субвенцијата ќе се носи врз основа на следната утврдена состојба:

• а) Реална пазарна цена: Доколку цената во доставената документација целосно одговара на пазарната вредност, на барателот му се исплаќа целосниот износ на пресметаната субвенција.
• б) Значително отстапување: Доколку се утврди дека цената е значително повисока од просечната пазарна вредност, Комисијата може да одобри понизок износ, односно да исплати најмногу 50% од пресметаниот износ на побараната субвенција.
• в) Нереално висока цена: Доколку Комисијата утврди дека прикажаната цена е нереално висока и неоправдана во однос на актуелните пазарни услови, таквото барање ќе се смета за неосновано. Во овој случај, Комисијата ќе достави предлог за одбивање на барањето во целост, при што субвенцијата воопшто нема да биде одобрена.

7.  Начин на остварување на правото на надоместок

• Целиот процес завршува со Решение за одобрување на субвенцијата, кое го носи Градоначалникот на Општина Струмица. Ова решение се заснова на претходно подготвен предлог од страна на Комисијата, која потврдува дека барателот ги исполнил сите предвидени услови. По донесувањето на решението, Општината ја реализира исплатата на средствата директно на трансакциската сметка на граѓанинот.
• Транспарентноста на процесот подразбира и повратна информација за оние кои не го оствариле правото на субвенција. Комисијата има обврска писмено или електронски да ги извести сите баратели чии апликации биле одбиени, со јасно наведено образложение за причините (неисполнување на критериумите, некомплетна документација или предвремено исцрпување на буџетот).

ВО ПРИЛОГ ЛИНК ОД БАРАЊЕ ЗА ДОДЕЛУВАЊЕ НА СУБВЕНЦИЈА ЛИНК

ВО ПРИЛОГ ЛИНК ОД ПРАВИЛНИК ЛИНК