Делегација од амбасадата на Велика Британија во Република Северна Македонија предводена од заменик амбасадорот Даниел Фајлер, денеска ја посети општина Струмица.

На средбата со заменик градоначалничката Елена Маѓеровска Паликарова и секретарот Александар Оџаков разговараа на повеќе актуелни теми од функционирањето на Општината и предизвиците со коишто таа се соочува и сама ги надминува поради игнорантскиот однос на Владата кон Струмица и нејзините граѓани.

Заменик амбасадорот Фајлер беше пријатно изненаден што Струмица има јавен електричен превоз, а ги пофали и заложбите на градоначалникот Костадин Костадинов што во фокусот на локалните политики е заштитата на животната средина.

На средбата се разговараше и за функционирањето и капацитетот на Територијалната професионална противпожарна единица и за соработката преку Операцијата Флоријан на Обединетото кралство.

Делегацијата на амбасадата на Велика Британија во Македонија ја посети и Противпожарната единица на Струмица и се запозна со нејзините потенцијали и потреби.