Вечерва, во Центарот за Култура „Антон Панов“ во Струмица, се одржа величествен концерт во чест на Гоце Арнаудов, една од најголемите личности во македонската музика.
Општина Струмица како главен покровител го поддржа концертот кој беше вистинско патување низ музичкото наследство на оваа музичка легенда, која со своите незаборавни мелодии и хитовите што ги остави зад себе, неизбежно ја обележа македонската музичка сцена.
Низ вечерта се изведуваа некои од најголемите хитови на Арнаудов, а со нотите од неговите мелодии, публиката се потсети на неговото неизмерно влијание врз музиката на Македонија. Култни песни кои ги интерпретираа најдобрите македонски пејачи, и кои станале дел од музичката историја на народот, беа во центарот на вниманието. Мелодии кои сè уште звучат во срцата на генерациите, а со кој Гоце Арнаудов го доби своето место меѓу најголемите музички личности на сите времиња.
Овој концерт е уште една потврда на значењето на Гоце Арнаудов за македонската култура и музика, а сеќавањата на него ќе продолжат да живеат низ неговите песни, кои за секогаш ќе бидат дел од нашето музичко наследство.
