Во просториите на Младинскиот центар синоќа се одржа втората дебата во процесот на избор на нови членови на Организациониот одбор на Струмичкиот карневал.

Јавниот повик за состав на највисокото карневалско тело беше главната тема на дебатата по која свое мислење даваа граѓаните, карневалџиите, претставници на институции, училишта и сите останати коишто го сакаат Струмичкиот карневал и посакуваат нови креативни изданија на оваа наша вековна традиција препознатлива во светот.