Ги исполнуваме нашите обврски согласно тоа што сме се договориле со граѓаните и планските определби од буџетот на општина Струмица. Со задоволство можам да кажам дека три улици се асфалтираат во населеното место Муртино, се асфалтира и во Банско, се врши бетонирање на улица во Попчево, има активности во населеното место Куклиш. Интервенции има и во градот, важни артерии се асфалтираат како што е улицата „Ката Поцкова“ со одредени краци кои ја спојуваат оваа улица со улицата „Боро Поцков“. Со ова општина Струмица со несмален интензитет и голем ентузијазам навлегува во дел од урбаната средина и населените места со цел сите желби и потреби на граѓаните кои што сме ги ветиле во овој период да ги оствариме, рече градоначалникот Јаневски.