Стартуваа отворените забавни фудбалски школи

Под покровителство на општина Струмица и градоначалникот Зоран Заев, денеска, на спортските терени во општинското основно училиште „Никола Вапцаров“ стартуваа отворените забавни фудбалски школи. На отворањето на школите, присуствуваше и претседателот на Советот на општина Струмица, Јосиф Христов.Овој проект тече од 2000-та година, а осум години по ред е финансиран од буџетот на општина Струмица. Оваа година ќе бидат опфатени 140 ученици од различна возраст од основното училиште „Никола Вапцаров“.

Сите деца ќе добијат одредени реквизити, капи и маички, како сеќавање за учество во проектот. Порано, овие отворени забавни фудбалски школи се реализираа на стадионот „Младост“, но за да бидат поблиску до децата и за да може во нив да се вклучат што поголем број деца, почнаа да се одржуваат на спортските терени во училиштата, рече Христов.Отворените забавни фудбалски школи во ООУ „Никола Вапцаров“ ќе траат четири дена, а потоа на учениците од ова училиште ќе им се придружат и учениците од општинското основно училиште „Сандо Масев“.