Јавното претпријатие за енергетски дејности „Струмица гас“ од први јули ја намали цената на природниот гас за 3,5 проценти. Според директорот на претпријатието, Зоран Китанов, од минатата година до денес, цената на гасот е намалена за вкупно 30 насто што не се случило со ниеден друг енергенс. Минатата година во ова време цената на гасот беше 45 денари со ДДВ за еден метар кубен, а сега е 32 денари. Со тоа, дефинитивно, природниот гас е најефтин енергенс и граѓаните треба да го користат од повеќе причини:

комодитетот е прекрасен и тие што го имаат знаат што значи тоа, нема планирање за дрва, цепење, чистење, туку, само еден термостат кој што го програмирате еднаш во годината и тој секој ден си ја врши својата работа. Гасот согорува 98 посто, што значи мислиме и на генерациите кои што доаѓаат, гасот не ја загадува нашата околина. Во Струмица, порано, многу оџаци, енергетски изразено околу 13 мегавати ја загадуваа Струмица, сега, кога другите градови во зимата се гушат во смог, струмичани имаат сино небо и чист воздух. Што значи, не случајно, гасот е најупотребуваниот енергенс во цел свет и затоа им препорачувам на сите граѓани да дојдат во нашите простории, да поразговараме и да им објасниме како наједноставно да стигнат до користењето на природниот гас, рече Китанов.Тој додаде дека во континуитет се врши проширувањето на гасоводната мрежа во градот.