Со потпишувањето на овој Меморандум соработката ќе се одвива во правец на спроведување на правна постапка во форма на договор за идна соработка во депонирање цврст отпад од општина Струмица. Тоа значи спроведување на правни постапки за прибирање отпад за период од 25 години или повеќе, за јавна набавка согласно законот за цена по тон за достава до пречистителната станица, за минимална загарантирана количина на отпад за достава до Ватерло Хастингс Лимитед, и целосна законска поддршка со цел изградба и пуштање во функција на пречистителната станица во слободната индустриска зона.Исто така, според потпишаниот Меморандум предвидено е спроведување правна постапка за поддршка на инвеститорот со сите придобивки за странски инвестиции во техничката или друга индустриска зона која би ги сносила сите трошоци поврзани со подготвителните проектни активности и вкупната инвестиција, а општина Струмица би ја поддржала Ватерло Хастингс Лимитед со сите потребни административни процедури и би дала поддршка за потребните услуги. Пречистителната станица би била во можност да ги опфати другите околни општини за преработка на нивниот отпад.