Општина Струмица и за претстојните новогодишно – божиќни празници ќе блесне во новогодишно руво. Новогодишното декорирање започна на градското корзо со поставување светлечки реквизити и украси, ќе продолжи на плоштадот „Гоце Делчев“, на булеварите, кружните текови, и на други локации. Новогодишното украсување чини 2.499.240 денари, а го врши фирмата „Линк Медиа Плус“ од Скопје која на транспарентен начин беше избрана на јавен тендер. Како и во минатите години, така и оваа, дел од новогодишното украсување во централното градско подрачје ќе остане до завршувањето на карневалските празнувања.