На конференцијата, од енергетската експертска јавност  и од изведувачите на проектната документација, општина Струмица беше посочена како најдобар и најуспешен пример за гасификација  во Република Македонија. Директорот Китанов, пред присутните на конференцијата, ги презентираше текот на изградбата, функционирањето на системот на компресиран гас, како и придобивките од гасификацијата на општина Струмица кои веќе потврдуваат дека оваа инвестиција е исплатлива за јавните институции, компаниите и домаќинствата. На конференцијата беше истакнато дека во рамките на гасификацијата на Македонија, во некои региони ќе се користи систем со компресиран гас додека не се направат мрежите на националниот гасовод, а по примерот на Струмица.Врз основа на стекнатите искуства, директорот Китанов апелираше до општините да почнат со изградбата на дистрибутивната мрежа, бидејќи така многу побрзо ќе можат да се приклучат на националниот гасовод. Тој го истакна примерот со Струмица, кога би се реализирал тој гасовод за 3 до 4 години, општина Струмица ќе биде во голема предност, со изградена гасоводна мрежа меѓу 40 и 50 километри.За две неполни недели, Јавното претпријатие за енергетски дејности „Струмица гас“ на две конференции, како успешен пример, ја презентира гасификацијата на општина Струмица.