Вечерашниот роденденски концерт ќе се случи само три дена по саботниот свечен концерт кој се одржа во големата сала на НУЦК „Антон Панов“, а на кој, покрај домаќините, настапија и гостите од фолклорниот ансамбл „Радовишанки етно“ од Радовиш и „Трајко Прокопиев“ од Куманово. Во чест на јубилејот, плакети од ансамблот „Тримери“ добија премиерот на Република Македонија, Зоран Заев, вршителот на должноста градоначалник на општина Струмица, Костадин Костадинов  и почесната претседателка на „Тримери“, Софче Макенаџиева.