Струмица уште еднаш потврди дека е меѓу најдобрите карневалски градови во светот

Уште едно издание за паметење и потврда дека струмичкиот карневал е меѓу најдобрите во светот, се случи синоќа на главната интернационална карневалска вечер. Прекрасните карневалски креации на домашните и странските карневалски групи ги воодушевија и жири комисијата и публиката, потврдувајќи дека Струмица е вистинското место за доживување на карневалската магија.

Плоштадот „Гоце Делчев“ беше светот во мало на кој се презентираа повеќе култури и традиции на домашните и карневалските групи од Москва, Бугарија, Албанија, Србија, Црна Гора, Аруба, Бугарија.Најновото карневалско издание го следеа и претставници на дипломатскиот кор во државата, пријатели и поддржувачи на карневалот, а со своите сограѓани беше и поранешниот градоначалник на општина Струмица, Зоран Заев, кој во трите мандати и даваше максимална поддршка на оваа вековна традиција со што Струмица се најде на листата на најдобрите 20 карневалски градови во светот.