Целта на дефилето беше да се даде значење на сите учесници во сообраќајот, особено на децата и  дека сите учесници во сообраќајот се должни да ги почитуваат сообраќајните правила и прописи и  се одговорни за своите постапки.Струмица е среќна што во периодот од први јануари па до 30 јуни оваа година нема загинати во сообраќајни несреќи, има повредени, но и тоа се должи на невниманието на оние кои што се учесници во сообраќајот. Овој ден е ден да се потсетиме на жртвите, на нивните живи роднини, пријатели, бидејќи тој стрес тие го доживуваат секојдневно, меѓутоа и да се потсетиме на сето она што значи учесник во сообраќај, да му дадеме значење на секој учесник, а особено на децата. Ние решивме оваа кампања да ја одржиме со ова сообраќајно дефиле , им благодарам на сите за учеството и се надевам дека сите учесници во сообраќајот ќе се присетат дека она застанување на семафорите од дваесетина секунди значи дека треба да внимаваат, рече Зоран Узунов, претседател на Општинскиот совет за безбедност во сообраќајот на патиштата.Општина Струмица во рамките на својата надлежност во областа на сообраќајот реализира голем број на активности, особено за одржување и заштита на локални патишта и улици, регулирање на режим на сообраќај-вертикална и хоризонтална сигнализација, уредување на земјиште и осветлување на крстосници, улици и излези од градот, интервенции на ТППЕ во отстранување на последици од пожар во сообраќајни незгоди и други технички интервенции, едукација на децата од детските градинки и учениците во основните училишта во соработка со МВР и разгледување на информации за јавната безбедност и безбедноста во сообраќајот на патиштата на територијата на општина Струмица.