Реализирана заедничка активност на учениците од ООУ „Гоце Делчев“ од Вељуса со учениците од ООУ „Маршал Тито“ од Муртино

Добро е да имаме сличности со другите зашто така другиот ни е поблизок и така подобро можеме да се разбереме. Но, убаво е и да бидеме различни зашто тоа ни создава можност да научиме нови обичаи, традиции и јазици.
Нашите училишта се места во кое учениците се образуваат, но најважно од се, се стекнуваат со знаења кои овозможуваат почитување на вредностите, културите и јазикот на другите етнички заедници.

Токму затоа, денес, во рамките на меѓуетничката интеграција во образованието, финансиски поддржана од општина Струмица,учениците од ООУ ,,Гоце Делчев“ од с.Вељуса, се дружеа со учениците од ООУ ,,Маршал Тито“ од с.Муртино и спроведоа активности во духот на заедништвото, недискриминацијата и еднаквоста. Учениците разменија и испишаа пораки за пријателство на македонски и турски јазик, се запознаа со значењето на зборовите на јазикот на своите пријателчиња и поминаа моменти исполнети со насмевки и радост со надеж дека таквите средби ќе станат почести и од нив ќе се родат вистински пријателства. Поддршката од наставниците и стручните соработници не изостана, па со заедничката фотографија, пријателството се зацврсти.