Од мое лично име и од името на градоначалникот на општина Струмица, Коста Јаневски, ја поздравувам Вашата идеја за овој проект во кој се вклучени Фондацијата за развој на мали и средни претпријатија од Струмица и Бизнис инкубаторот Гоце Делчев од Република Бугарија, а финансиран преку ИПА програмата за прекугранична соработка меѓу Македонија и Бугарија. Овој проект е уште една потврда дека креативноста и претпримеништвото не познаваат граници, напротив, ги отвораат и ги сплотуваат идеите создавајќи креативни продукти од повеќе области достојни за почит. Ја користам оваа прилика да потврдам дека општина Струмица во рамките на своите можности и надлежности и понатаму ќе ја продолжи својата максимална поддршка на малите и средни претпријатија. Ќе го дава својот влог во создавањето поволна бизнис клима во која креативноста на малите и средни претпријатија ќе создава големи дела и ќе ги јакне пријателските односи со соседите, рече Даскаловски.