Јосиф Христов кој им порача дружењето и пријателствата да им бидат најголемиот бенефит од оваа манифестација.Ми претставува чест и задоволство што можам од името на градоначалникот на општина Струмица Зоран Заев, од името на Советот на општина Струмица и од мое лично име, да ги поздравам претставниците од Сојузот на здруженијата на пензионери на Македонија како организатори на оваа манифестација, раководството и членовите на Здружението на пензионери од Струмица кои ја имаат улогата на домаќини, учесниците на оваа ревија од Злетово, Штип, Лозово, Пробиштип, Свети Николе, Радовиш, Штип и Струмица, како и сите присутни посетители. Искрено се надевам дека гостите денес убаво ќе се чуствуваат во нашиов град, понесувајќи од оваа ревија убави спомени во своите средини, а Здружението на пензионери од Струмица, како и многу пати до сега, повторно успешно ќе го положи испитот на добар домаќин. Ви посакувам денес убаво да се провеселите со програмата од оваа манифестација, но весели, среќни и задоволни да останете и понатаму во вашите животи. Денес нека се пее и игра, но дружењето и пријателствата нека бидат главниот бенефит од оваа манифестација. Бидете живи и здрави и имајте на ум дека портите на Струмица секогаш ќе ви бидат отворени за убави нешта, рече Христов.