Второто полугодие од учебната 2014/2015 година во општинските основни и средни училишта во општина Струмица, денеска, почна со штрајк на наставниците. Согласно законските обврски и своите надлежности Општина Струмица ги обезбеди сите услови за непречено одвивање на наставата, а учениците кои дојдоа во училиштата беа прифатени.

Исто така, прифатени се и децата во сите клонови на градинката „Детска радост“.За почетокот на второто полугодие во оваа учебна година, општина Струмица ги  обезбеди сите потребни услови за работа на општинските основни и средни училишта кои се во нејзина надлежност. Денеска, не започна наставата во општинските основни и средни училишта, бидејќи според одлуката на СОНК беше најавен и е организиран штрајк  кој почна во раните утрински часови. Општина Струмица ќе ги преземе сите потребни мерки согласно законот за непречено одвивање на наставата и се разбира, не навлегувајќи во она што СОНК го има најавено и организирано, изјави Зоран Узунов.Освен во училиштата и градинката, денеска се штрајкува и во библиотеката „Благој Јанков Мучето“. Вработените во овие установи се на работните места, но не ги извршуваат своите работни задачи.