Со собраните средства од продажбата ќе бидат обезбедени прехранбени пакети за 100 деца кои потекнуваат од ранливи категории на граѓани (деца без родители, деца со еден родител и деца од сиромашни семејства).  „Те сакаме Градоначалниче“ со овие зборови најмладите го пречекаа градоначалникот Заев, а Организацијата на жени која е организатор на хуманитарната акција му врачи благодарница и пригоден подарок за несебичната континуирана поддршка. Заблагодарувајќи се, градоначалникот Заев рече дека оваа акција е прекрасен начин да се помогне на дечињата на кои навистина им е потребна помош. Кога децата го прават чекорот да изработат нешто, да најдат начин да соберат пари и да им помогнат и на тие дечиња, е тоа е прекрасно чувство. Убаво е што ги учиме децата од мали да даруваат од срце, од душа, на оние дечиња кои што немаат за да бидеме сите рамноправни. Им благодарам на децата што учат и растат заедно со вакви родители, наставници и воспитувачи, што учат да помагаат и само така сите знаеме дека животот ќе биде подобар за сите, рече градоначалникот Заев.