Учениците од Дабиле се вклучија во одбележувањето на Денот на животната средина

По повод светскиот ден на животната средина, учениците и наставниците од основното општинско училиште „Кирил и Методиј“ од селото Дабиле денеска се вклучија во акцијата која што се одржа во ова населено место, а во организација на еколошкото друштво „Планетум“ и „4x4x4 Балкански мостови“ Скопје – ENV.net партнер за Македонија.

Учениците и другите учесници во акцијата го чистеа паркот кај фонтаната во селото, а беше поставена и изложба на отворено на фотографии од поплавените подрачја во струмичкиот регион, најдобрата беше наградена.Целта на акцијата беше потсетување на сите лоши моменти кои ги доживеаа граѓаните од поплавените подрачја во Струмичкиот регион, а при што настрадаа огромен број домаќинства и земјоделски површини, со што се испрати и пораката за посериозен однос кон климатските промени како глобален проблем.