а беа поделени прехранбени пакети иучилишен прибор на 60 ученици од прво одделение.Општина Струмица и градоначалникот Зоран Заев веќе три години даваат целосна поддршка за промоција на една нова вредност и систем за справување со сиромаштијата и гладта во целина, систем кој функционира и така ќе продолжи и понатаму.Проектот го спроведуваме од 2012 година, имаме донирано преку осум тони храна на сиромашни семејства. Ова е од големо значење заради тоа што партиципативното учество е само делумно на општина Струмица, а учествуваат поголем број компании, пред се од организацијата на Банката за храна. Тоа што се донира е за секојдневна употреба на граѓаните и е од огромна помош за нив. Проектот е зацртан во буџетот на општина Струмица со 300 илјади денари и го спроведуваме два пати годишно по 150 илјади денари за да можеме и во периодот на пролетта и на почетокот на есента да им излеземе во пресрет на граѓаните. Гледав денеска многу среќни лица и на учениците и на нивните родители и се надевам дека целта е постигната со спроведувањето на овој проект, рече градоначалникот Заев.Според Душко Христов од Банката за храна, Струмица е единствената општина во Македонија која ја прифати нашата понуда за соработка.Струмица е првата и единствена општина засега каде што Банката за храна има директна поддршка од Советот и градоначалникот Заев, бидејќи таквите акции беа предложени и до сите останати општини во Македонија, но на жалост не успеавме да воспоставиме некоја делумна комуникација, а камоли да добиеме некоја конкретна поддршка. Но како и да е сиромаштијата тропа на сите врати, а ние сме тука да помогнеме колку што можеме и умееме, рече Христов.Ленче Христова од Организацијата на жени на Струмица истакна дека го одбрале училиштето „Маршал Тито“ заради неговиот мултиетнички карактер.Причината зошто го одбравме токму ова училиште е неговиот мултиетнички карактер и затоа што сметаме дека различностите обединуваат и треба да ги негуваме. Организацијата на жени и Банката за храна соработуваат од 2012 година и со помош на хумани луѓе од нашиот град, а особено поради заложбата и помошта од општина Струмица на чело со нашиот градоначалник Зоран Заев, во изминатите години се поделени над осум тони храна на семејства кои припаѓаат на социјално ранливите категории, а искрено посакуваме тој број понатаму да опаѓа, но за жал истиот се повеќе се зголемува, рече Христова.