Буџетот на општина Струмица веќе девет години се креира врз основа на барањата и потребите на граѓаните од урбаните и месните заедници, а овој пат во четири циклуси, зборот на граѓаните се слуша преку Програмата „Форуми во заедницата“ во која Општина Струмица е лидер во државата, ова меѓу другото, го рече Тони Милушев, општински координатор на буџетскиот форум 2014-2015 година во денешната реакција, а по повод вчерашната прес конференција на Зоран Пакетов претседател на ОК на ВМРО ДПМНЕ.

Тоа што беше кажано во вчерашната изјава на првиот човек на струмичкиот огранок на ВМРО ДМПНЕ, Зоран Пакетов, е во најмала рака, ноторна лага!Тврдењето дека општината нема контакти со граѓаните и не ги следи нивните потреби е став кој е сосема спротивен од вистината и реалноста. Буџетот на Општина Струмица веќе девет години се креира токму врз основа на барањата и потребите на граѓаните од урбаните и месните заедници. Порано покрај секојдневните контакти тоа се правеше преку редовните собири на граѓаните во сите урбани и месни заедници, а овој пат во четири циклуси, зборот на граѓаните се слуша преку Програмата „Форуми во заедницата“ во која Општина Струмица е лидер во државатаНа форумските сесии од оваа програма присуствуваат граѓаните од урбаните и месните заедници и тие со свои предлози учествуваат во партиципативното буџетирање на општината.Тоа не може да не го знае господинот Пакетов и советничката група на ВМРО ДПМНЕ, кога негови сопартијци-советници присуствуваа на две од досегашните четири форумски сесии.Па сепак и покрај изнесените лаги, Општина Струмица им благодари на луѓето од Општинскиот комитет на ВМРО ДПМНЕ поради тоа што конечно  сфатија дека и тие треба да се интересираат за потребите на граѓаните.