Во Струмица се одржа завршницата на меѓународното танцово натпреварување „Артист Хаб Денс Компетишн“.

Настанот беше поддржан од Општина Струмица, а на него учествуваа 1.700 танчери од Македонија, Србија, Бугарија и Црна Гора. Во текот на двата дена, колку што траеше завршницата во спортската сала „Парк“, учесниците се натпреваруваа со своите танцови кореографии и уметнички перформанси.

Со поддршката на ова натпреварување, Општина Струмица уште еднаш ја потврди својата силна заложба за развој и афирмација на талентот кај младите луѓе.