Прашајте го градоначалникотСредба со градоначалникот

Буџет за 2017 година

Буџет за 2016 година

Буџет за 2015 година

Буџетите на општината пред 2015 година и сите измени, дополнувања и ребаланси можат да се најдат во службените гласници од 2005-2017 кои се поставени на општинската веб страница.

Социјална карта на општина Струмица

Вести - Октомври 2007

2007-10-16


31.10.200
7 | ФИБА Куп: Цедевита - Струмица 76:72. Македонскиот кошаркарски првак, Струмица претрпи тесен пораз од 76:72 во Загреб против екипата на Цедевита во првиот дуел од квалификациската рунда на ФИБА Купот. Решавачкиот натпревар ќе се игра во Струмица на 06.11.2007 (вторник) во Спорската сала Парк со почеток во 19.00 часот.

 



Одлично издание на Струмица во Сутјеска Врела во Загреб и покрај тоа што хрватскиот тим влезе како фаворит во натпреварот. Резултатот по четвртини 14:18; 20 :21; 23:21; 19 :12;
Најефикасни на натпреварот беа Милјан Пуповиќ со 22 поени од екипата на Струмица, и Славен Римаќ кај Цедевита со ист број на поени.

Реваншот е во вторник (06.11.2007) во Спортската сала Парк во 19.00 часот кога со поддршка на навивачите, КК Струмица ќе се обиде да извојува победа повисока од четири коша разлика што ќе значи севкупна победа против Хрватскиот претставник и пласман во второто коло од ФИБА купот, каде за противник ја очекува рускиот Локомотив од Ростов.

2007-10-15

29.10.2007 | Излезе првиот број на весникот Хроника. Изворното информирање за работата на локалната самоуправа и афирмирањето на вистинските вредности е основната мисија на весникот Хроника, сега, во деновите кога треба да заживее вистинската децентрализација.

превземи ...


2007-10-14


23.10.2007 | Симон Трпчевски го промовираше новиот клавир во Музичкото училиште Боро Џони. Македонскиот пијанист со светска слава, Симон Трпчески, во Нижото музичко училиште „Боро Џони” во Струмица го промовираше новиот клавир “Jamaha”, донација од Општина Струмица со вредност од околу 600.000 денари.

 



Тој одржа получасовен концерт исполнувајќи дела од Клод Дебиси. „Од срце ја поздравувам иницијативата на музичкото училиште и Градоначалникот на Општина Струмица да набават нов клавир. Со него ќе им се овозможи на генерации и генерации деца да вежбаат и музички да се образуваат“, изјави Симон Трпчевски не криејќи го задоволството што има можност да настапува во градот од каде потекнува неговата мајка.

2007-10-13

22.10.2007 | Струмичкото стопанство претставено на меѓународен саем во Загреб, Хрватска. Во периодот од 15 -19 Октомври 2007 година, претставници на Општина Струмица присуствуваа на 34 Меѓународен саем за мебел, внатрешно уредување и пратечки индустрии Амбиента - Загреб - Р.Хрватска.  Во склоп на посетата на саемот беше промовирано мултимедијалното цд Strumica Economу - wood industry.



На промотивното  мултимедијално цд Strumica Economy се наоѓаат производните програми на 12 компании производители на мебел од Струмица.



Мултимедијалното цд беше достапно и дистрибуирано во околу 1000 примероци на излагачи, посетители, комори, и здруженија од Р. Хрватска, Босна и Херцеговина, Србија, Словенија, Турција, Германија и други.



Во рамките на посетата на Загреб претставниците од Општина Струмица остварија средби со Министерот за земјоделие, шумарство и водостопанство во Владата на Р.Хрватска, г-дин Петар Чобанковиќ,  Претседателот на Хрватска стопанска комора - Загреб, Претседателот на Хрватска стопанска комора - Жупанија Сисак, Претставници на Стопанска комора на Босна и Херцеговина, Претставници на Загребачки велесаем, Претставници на саем Амбиента како и бројни контакти со фирми излагачи од повеќе земји од Европа. На средбите беше разговарано за продлабочување на деловните односи меѓу компаниите од Струмица и компаниите од земјите кои ги застапуваат коморите. Претставниците на Хрватската стопанска комора преку здружението на дрвно преработувачката индустрија истакнаа дека голем дел од хрватските компании за мебел се заинтересирани за воспоставување на деловни односи со производителите на мебел од Струмица.





Кон средината на месец ноември на исти начин ќе биде претставен прехрамбениот сектор од Струмичкото стопанство на меѓународен саем во Белград Србија.

2007-10-12

09.10.2007 | Две нови фонтани долги по 50 метри на Булеварот Маршал Тито. Од денес, на  Булеварот Маршал Тито работат две нови фонтани со водоскок, долги по 50 метри, комплетно автоматизирани и со повеќе светлосни ефекти.  Просторот околу фонтаните веќе е холтикултурно уреден со 30 палми, а дополнително ќе се уредат и просторот во другите жардинерии на булеварот.





2007-10-11

09.10.2007 | Општински свечености по повод 11 Октомври. Почитувани граѓани, Ве покануваваме да присуствувате на свеченостите и манифестациите организирани по повод одбележувањето на 11 октомври - Денот на народното востание на Македонија и Ден на борецот.

 

ПРОГРАМА

10.10.2007 година (среда)

- 18.30 часот- Ноќни трки низ улиците на градот за учениците од основните и средните училишта во Струмичкиот регион. 
Носител: Општински сојуз на училишен спорт.

- 19.30 часот- Промоција на книгата “Македонска судбина” од Јулија Попвасилева
Место: НУКЦ “Антон Панов” Струмица ( мала сала)

11.10.2007 година (четврток)

- 09.30  часот - Чествување пред Споменикот на Револуцијата во Градскиот парк:
- Реч за  историографијата на Празникот;
- Полагање свежо цвеќе;
- “Од извориштето на 11. Октомври” - рецитал во изведба на рецитатори Од  Рецитаторската секција при Домот за деца и млади “Благој  Мучето”-Струмица; и
- Настап на хорот “ЕТНО и СТРЕМЕЖ” од Здружението на пензионери - Струмица

(Поаѓање кон Споменикот на Револуцијата во 09,15
часот од пред зградата на Локалната самоуправа)
Носител: Општина Струмица

- 10,30 часот – Прием кај Градоначалникот на Општина Струмица, Зоран Заев за претставници од Општинскиот одбор на СБМ од НОАВМ.
- Место: Кабинет на Градоначалникот.

Страница 1 од 3

© 2005-2017 Општина Струмица, ул."Сандо Масев" бр.1, 2400 Струмица, Република Македонија, тел.00389(0)34 348030, факс.(034)320544