Вести - Декември 2007
2007-12-19 PDF Печати


31.12.2007 | НОВОГОДИШНО ОБРАЌАЊЕ НА ГРАДОНАЧАЛНИКОТ НА ОПШТИНА СТРУМИЦА,ЗОРАН ЗАЕВ. Почитувани граѓани, Сакам да ви посакам добро здравје, весел живот, вистинска љубов и семејна слога со многу насмевки!!! Новата 2008 година нека Ви донесе успешна хармонија меѓу духовното и материјалното

 






obrakanje.PDF
[превземи]

 
2007-12-18 PDF Печати


31.12.2007 | Новогодишни пакетчиња за сите деца на родители приматели на социјална помош. Денес, Градоначалникот на општина Струмица, Зоран Заев им подари новогодишни подароци на деца на самохрани мајки, деца на родители приматели на социјална помош и деца на бранителите.

 
2007-12-17 PDF Печати

28.12.2007 | Струмица македонскиот економски тигар. Новогодишниот број на угледниот економски неделник Капитал објави текст со наслов: “Струмица е македонскиот економски тигар”. Капитал нагласува “Во последните неколку години Струмица стана една од економски најмоќните општини во Македонија”.
превземи го текстот

 
2007-12-16 PDF Печати

27.12.2007 | Предновогодишна забава за децата со интелектуална попреченост. По повод Нова Година, од страна на штитеницете на Центарот за поддршка на лицата со интелектуална попреченост ПОРАКА Струмица, децата со посебни потреби,беше организирана скромна предновогодишна прослава.

 

По повод Нова Година, од страна на штитеницете на Центарот за поддршка на лицата со интелектуална попреченост ПОРАКА Струмица, децата со посебни потреби,беше организирана скромна предновогодишна прослава. Градоначалникот на општина Струмица, Зоран Заев со своето присуство ја зголеми огромната радост на бескрајно среќните детски лица.



За оваа пригода, Општина Струмица на сите дечиња им обезбеди Новогодишни пакетчиња. Градоначалникот асистирајќи му на Дедо Мраз уште еднаш ја покажа својата хумана дименција, потврдувајќи ја грижливоста на општината за сите подеднакво.



Оваа скромна прослава беше дел од програмата на Клубот за времено опфаќање на лица со интелктуална попреченост - ПОРАКА , за 2007 год.

 
2007-12-15 PDF Печати

26.12.2007 | Отворен психосоцијалниот клуб за апстиненти од психоактивни супстанци и стабилни корисници на метадонска програма. Општинската визија за новото современо утре, темелена на цврсти партнерски релации со сите општествени чинители во заедницата уште еднаш беше потврдена од страна на градоначалникот Зоран Заев со ставањето во функција на Психосоцијалниот клуб во Центарот Св.Елисавета во Струмица.

Општинската визија за новото современо утре, темелена на цврсти партнерски релации со сите општествени чинители во заедницата уште еднаш беше потврдена од страна на градоначалникот Зоран Заев со ставањето во функција на Психосоцијалниот клуб во Центарот Св.Елисавета во Струмица. Практикувајќи го моделот на споделена одговорност за континуиран социоекономски развој на заедницата и овој пат ја потврди силната заложба за приближување на општината и републиката кон современите европски и светски развојни процеси. Овој проект беше плод на повеќемесечна плодна партнерска соработка меѓу Општина Струмица, Македонската Православна Црква – Струмичка Епархија и Здружението за превенција, советување, лекување и заштита на човековите права на корисниците на дрога и други маргинализирани групи Избор од Струмица со логистичка поддршка на Министерството за внатрешни работи Струмица и Центарот за социјална работа – Струмица. Овој клуб, во иднина, на оваа целна група ќе им ги обезбеди сите услови кои досега им недостасуваа во насока на спроведување на нивните секојдневни креативни активности кои се од пресудно значење за нивното понатамошно психосоцијално јакнење.

 
2007-12-14 PDF Печати

18.12.2007 | Избрани најдобрите спортисти на Општина Струмица за 2007 година. На 14.12.2007 година (петок), во ресторанот Студио ИН, во организација на Градоначалникот и Советот на Општина Струмица беа избрани најдобрите спортисти на Општина Струмица за изминатата 2007 година.

 

На 14.12.2007 година (петок), во ресторанот Студио ИН, во организација на Градоначалникот и Советот на Општина Струмица беа избрани најдобрите спортисти на Општина Струмица за изминатата 2007 година. Најдобрите спортисти на Општина Струмица за 2007 година беа избрани по комбиниран модел во кој 20 % од гласовите ги дадоа граѓаните преку СМС пораки, 40 % спортските новинари (Ване Трајков, Љупчо Маџиров, Тони Караколев и Ристо Тасев) и 40 % тренерите на спортски клубови (Кирил Ричлиев, Киро Велков, Југослав Тренчовски и Драган Јанков).



Во категоријата НАЈДОБРА МЛАДИНСКА ЕКИПА беа номинирани 11 младински екипи. Најуспешна за изминатата година е одбојкарскиот клуб МАКЕДОНИЈА МАКС (Младинки) која е државен шампион во оваа конкуренција. Второто место го освои кошаркарскиот клуб МИЛЕНИУМ (Пионери) а третопласирана беше пионерската екипа на одбојкарскиот клуб МАКЕДОНИЈА–ЏИО. Наградите на најуспешните ги додели Сава Самаракова – Советник при Советот на Општина Струмица.



Во категоријата НАЈДОБАР МЛАД СПОРТИСТ беа номинирани 21 спортист. Првопласирана беше СЕРАФИМОВСКА БИЛЈАНА од ПАЕК Маратон, која годинава се искачи на највисокиот врв во Европа, Мон Блан. Второто место го освои ДИМИТРИЕВ ВАСКО од Кунф-Фу Кик Бокс клубот Струмица кој на Светското првенство во Карлсруе Германија го освои бронзениот медал. Третото место го освои ЃОРГИЕВА ЗОРИЦА од Одбојкарскиот клуб Македонија Макс. Наградите на најуспешните ги додели Панче Орцев, директор на ЈП Комуналец – Струмица.



Во категоријата НАЈДОБАР ТРЕНЕР ВО МЛАДИНСКА КАТЕГОРИЈА беа номинирани 7 тренери на младински екипи. Првото место го освои ЈАНКОВ ЗОРАН, од Одбојкарскиот клуб Македонија Макс, второпласиран е РИЧЛИЕВ КИРИЛ од Одбојкарскиот клуб Македонија Џио (пионери) а третото место го освои ЗЕТОВ ЗЛАТКО, тренер на кадетската екипа на кошаркарскиот клуб МИЛЕНИУМ. Наградите на најуспешните ги додели Никола Пефкев Советник при Советот на општина Струмица.



Во категоријата НАЈДОБАР ТРЕНЕР во сениорска конкуренција беа номинирани 5 тренери. Најдобар тренер за 2007 е СПАСОВ ЗОРАН од Кунг Фу Кик Бокс клубот Струмица. Само два поени зад него заостана тренерот на Одбојкарскиот клуб Македонија Џио, РИЧЛИЕВ КИРИЛ, а третопласиран беше ЃУЗЕЛОВ НАЌЕ тренер на спортско риболовното друштво Трофеј. Наградите на најдобрите во оваа категорија ги додели Кирил Парталов, Секретар на општина Струмица.



Шампионската екипа на Кошаркарскиот клуб СТРУМИЦА убедливо беше првопласирана во категоријата НАЈДОБРА ЕКИПА каде беа номинирани 8 екипи. Второто место го освои вицешампионот во одбојкарското првенство, МАКЕДОНИЈА ЏИО, а третопласирани беа одбојкарките на МАКЕДОНИЈА – МАКС. Наградите ги додели Александар Трајковски, Советник во Советот на општина Струмица.



Капитенот на КК Струмица, ЕФТИМ БОГОЕВ беше избран за НАЈДОБАР СПОРТИСТ ВО ОПШТИНА СТРУМИЦА ЗА 2007 година. Во оваа категорија беа номинирани 11 спортисти. Второпласиран беше МИЛЕВ ВЛАДО од Одбојкарскиот клуб Македонија Џио а третото место го освои НИКОВСКИ ГЕОРГЕ од Кунг-Фу Кик Бокс Клуб Струмица кој на Светското првенство во Германија го освои бронзениот медал. Наградите ги додели Градоначалникот на општина Струмица, Зоран Заев.



Организаторот на манифестацијата Спортист на годината, додели посебна награда на Димитар Петков – Словенецот, постхумно за огромен допринос во спортот и кошарката. Награди добија и ФК Беласица – за 85 години од формирањето, ОК Струмица – за 60 годишниот јубилеј, ОК Македонија - Џио - за 35 годишниот јубилеј, КК Струмица – За шампионска титула во сезоната 2006/07, и Навивачка група АЈДУЦИ - за огромниот допринос кој го даваат на спортските клубови.

 
2007-12-13 PDF Печати

11.12.2007 | Јавна благодарност од Општина Струмица до Прокредит банка за акцијата за пошумувањето на непошумените површини во Струмица. Водени од идејата дека на животната средина и е потребно внимание, но и постојано обновување ПроКредит Банка реализираше пошумување на 2 хектари непошумена површина во околината на Струмица, на локалитетот „Чам чифлик“.



Во рамки на проектот беше пошумена површина од 2 хектари лоцирана во непосредната близина на Струмица, на локалитетот „Чам чифлик“, која граѓаните често ја користат како излетничко место. Во рамки на пошумувањето беа засадени 140 иглолисни дрвја со висина од по 1м, 160 лисјарски дрвја со висина од 2 метри и 100 грмушки.



На овој начин, ПроКредит Банка даде свој придонес, во рамки на можностите, во решавањето на актуелните проблеми на заедницата и зачувувањето на животната средина. За оваа акција беа ангажирани експерти од Шумарскиот факултет кои ја обезбедија неопходната експертиза за правилно и навремено засадување на садниците, како и вработени од ЈПКД Комуналец од Струмица кои учествуваа во пошумувањето. Во акцијата беа вклучени и вработени од ПроКредит Банка кои активно учествуваа во засадувањето на садниците.



Општина Струмица упатува јавна благодарност до Прокредит банка со надеж дека со овие и многуте други остварени проекти, како и со идните планирани активности кои се во линија на зачувувањето на животната средина, ќе дадеме свој придонес во обновување и разубавување на околината, но и ќе влијаеме во зајакнување на свеста на граѓаните за важноста на зачувувањето на животната средина.

 
2007-12-12 PDF Печати

11.12.2007 | Откриен споменикот на бранителите на Република Македонија од 2001 година. Денес, во склоп на свеченостите организирани по повод денот на заштитниците на Струмица, Светите Петнаесет тивериополски маченици, Градоначалникот на општина Струмица, Зоран Заев го откри Споменикот на бранителите на Република Македонија од 2001 година, посветен на струмичаните Атанас Јанев и Коле Китанов. Споменикот е дело на академскиот ликовен уметник Димитар Филиповски од Скопје.



Градоначалникот Зоран Заев, во своето обраќање пред Споменикот рече:

“Денес кога го славиме денот на заштитниците на Струмица го славиме и споменот на новите заштитници на нашата слобода и слободата на нашата татковина и нејзиниот суверенитет. Во името на тој спомен, општина Струмица подига паметник на своите синови, како конкретен чин на едно наше заедничко завештание. Споменикот на нашите бранители е уште еден неизбришлив доказ дека струмичани од памтивек до денес давале значаен придонес во скицирањето на автентичниот историски амбиент во нашава Македонија. Од денес, овој споменик ќе знае на најубав можен начин да не потсетува дека воениот конфликт во Македонија од 2001 година е значајна историска епизода од нашето битисување, без која нашиот светоглед кон иднината, можеби ќе имаше поинаков приказ.”



Веднаш после откривањето, споменикот беше осветен од страна на митрополити од Македонската православна црква.



Споменикот е дело на академскиот ликовен уметник Димитар Филиповски од Скопје и ја означува жената – пеперутка, со својата динамична линија, која претставува феникс кој се издигнува од пепелта и продолжува да живее, како што ќе живее почитта кон нашите бранители Атанас Јанев и Коле Китанов.

 
2007-12-11 PDF Печати

11.12.2007 | Доделени наградите по конкурсот за литературни творби за Струмица . Претседателот на Советот на општина Струмица, Зоран Ристов, на свечената седница на Советот на општина Струмица ги додели награди по распишаниот конкурс за литературно - поетски творби посветени на градот Струмица.

 




Комисијата за општествени дејности, при Советот на општина Струмица,  на предлог од Комисијата за прочит на лититературните творби, донесе Одлука за доделување награди  по распишаниот награден конкурс за литературно -  поетски состав,  посветен на градот  Струмица во три категории и тоа:



Прва категорија – ученици во основните училишта
Втора категорија – ученици  во средните училишта и
Трета категорија – возрасни автори

Во категоријата – ученици од основните училишта беа наградени:

Прва награда – Благица Пецанова -  ученичка  во Основното училиште “Св.Кирил и Методиј ” од  Дабиле
Втора награда - Елизабета Моканова -  ученичка  во Основното училиште “Никола Вапцаров” од  Струмица;  и Лазар Миков -  ученик  во Основното училиште “Никола Вапцаров” од  Струмица
Трета награда  се наградуваат: Сашко Урдовски - ученик во ОУ “Маршал Тито” - Муртино; и Софија Галева  - ученичка во ОУ “Маршал Тито” Струмица;

Во категоријата – ученици од средните училишта се наградуваат  литературно-поетските состави и тоа:

Прва награда: Боркица Трајковска - ученичка во СОУ “Јане Сандански” – Струмица
Втора награда: Слободан Јефтимов - ученик во СОУ “Јане Сандански” – Струмица
Трета  награда: Николина Козарева - ученичка во СОУ “Јане Сандански” – Струмица

Во категоријата “возрасни автори” се наградуваат литературно-поетските состави и тоа:

Прва награда во износ од 6000 денари: Ирена Бабамова-Стојчева, втора награда во износ од 4000 денари, Наташа Василевска –Трајчевска и со трета награда во износ од 2000 денари  беше награден  литературно-поетскитскиот   состав  на Катица Мицева.

 
Повеќе Артикли...
«ПочетокПред123СледноКрај»

Страница 1 од 3