Вести - Ноември 2012
Учениците од „Видое Подгорец“ се запознаа со работата на градоначалникот и општината PDF Печати

Градоначалникот Зоран Заев денеска во својот кабинет ги прими учениците од трето одделение при ООУ „Видое Подгорец“ од Струмица. По совладувањето на материјалот за општина и градоначалник во рамките на редовната настава, учениците денеска имаа можност практично да се запознаат со работата на локалната самоуправа и нејзините служби.

 
Претставници на општина Струмица на меѓународна конференција за образование и одржлив развој PDF Печати

Во рамките на проектот образование за одржлив развој, финансиран од Европската Унија, а во организација на Enjoined иницијативата и Мрежата на центрите за образовни политики (NEPC) на 28 и 29 ноември  во Загреб, Хрватска се одржа меѓународна конференција на тема за поврзаноста на граѓанските права и обврски и прашањата за заштитата на околината и образованието.

 
Струмица и Бијело Поље од Црна Гора потпишаа Протокол за соработка PDF Печати

Градоначалникот на општина Струмица Зоран Заев  и градоначалникот на општина Бијело Поље од Црна Гора Александар Журиќ, денеска потпишаа Протокол за соработка меѓу двете општини. Протоколот беше потпишан на официјалната средба што се одржа во кабинетот на градоначалникот Заев, а на која освен градоначалниците на двете општини присуствуваа и Душан Мрдовиќ амбасадор на Црна Гора во Република Македонија, Мирољуб Орландиќ претседател на здружението на Црногорци во Македонија, Медо Балиќ потпретседател на истото здружение и претставници на општините Бијело Поље и Струмица.

 
Бизнис заедницата важен фактор во справувањето со семејното насилство PDF Печати

Бизнис заедницата како важен партнер во постигнувањето на ефикасен одговор кон семејното насилство на локално ниво, на оваа тема денеска се одржа работна средба во Домот на АРМ во Струмица.

 
Новиот кружен тек разубавен со две илјади темјанушки PDF Печати

Заврши изградбата на новиот кружен тек на крстосницата на булеварот „Гоце Делчев“ и улицата „Младинска“ кај Анска река во Струмица. Со ова ново сообраќајно решение значително ќе се намали сообраќајниот метеж кој беше честа слика на оваа, една од најфреквентните и најкритичните крстосници во градот.

 
Делегација на општина Бијело Поље од Црна Гора во посета на Струмица PDF Печати

Денеска во попладневните часови во официјална посета на општина Струмица ќе пристигне делегација на општина Бијело Поље од Црна Гора, предводена од градоначалникот Александар Журиќ. Официјалната средба меѓу делегациите на Струмица и Бијело Поље ќе се одржи утре во кабинетот на градоначалникот Зоран Заев каде ќе биде потпишан Протокол за соработка меѓу двете општини.

 
Спомен обележјето на жртвите во пожарот ќе биде поставено во паркот до Тинекс PDF Печати

Спомен обележјето на жртвите од пожарот на 23 јули оваа година ќе биде поставено на булеварот „Маршал Тито“ во паркот до Тинекс, ваква одлука денеска беше донесена на шеесет и третата седница на Советот на општина Струмица. Спомен обележјето е дело на рускиот скулптор Григориј Потоцки, а ја претставува  храброста во штитењето на градот од пламените јазици на  Блажо Стојков, Пено Стојанов, Мите Трајков и Војо Гркљанов.

 
Струмица меѓу четири општини во Македонија за јакнење на мултиетничката соработка PDF Печати

Од 23-25 ноември 2012 година, во Охрид се одржа работна средба на тимовите за училишна интеграција од по две основни училишта и претставници од четирите пилот општини: Струмица, Тетово, Битола и Бутел. Од општина Струмица во проектот се вклучени тимовите од двете општински основни училишта„Маршал Тито“Струмица и „Маршал Тито“Муртино и советниците од одделението за образование од општина Струмица.

 
Градоначалникот Заев меѓу лицата со телесен инвалидитет на тортијадата во Банско PDF Печати

Градоначалникот на општина Струмица Зоран Заев присуствуваше на традиционалната тортијада која во организација на здружението на лицата со телесен инвалидитет „Мобилност“ викендот се одржа во хотелот „Цар Самуил“ во  Банско.

 
«ПочетокПред12345СледноКрај»

Страница 1 од 5