Вести - Ноември 2014
Градоначалникот Заев и граѓаните на Струмица заедно одлучуваа за што ќе се трошат буџетските пари PDF Печати

На третата форумска сесија во рамките на програмата „Форуми во заедницата“, која синоќа се одржа во домот на АРМ во Струмица, уште еднаш се потврди транспарентноста и партиципативноста на граѓаните во креирањето на општинските политики и општинскиот буџет. Цели три часа, граѓаните и градоначалникот, Зоран Заев, заедно ги разгледуваа понудените предлози, одлучуваа за нивната издржаност и можност да се реализираат и да станат составен дел од буџетот на општина Струмица за 2015 година.

 
Се вршат последните зафати за оградување на помошното игралиште на стадионот „Младост“ PDF Печати

На помошното игралиште на стадионот „Младост“ во Струмица, течат градежните активности кои треба да го претворат во модерен фудбалски терен. По изведувањето на дренажниот систем и насипувањето со шљунковиден материјал, моментално се копаат темелните стопи и истите ќе се бетонираат.

 
Градоначалникот Заев за инвестиционите зафати во градот и населените места PDF Печати

Согласно програмите и буџетот на општина Струмица за 2014 година, во градот и населените места во тек се повеќе инвестициони активности. Според градоначалникот, Зоран Заев, се работи за зафати на улици и тротоари во градот и населените места, за завршните фази на ободниот канал, за тековните активности во Егејското маало и уште неколку други инвестициони зафати.Во неколку населени места се градат улици, тоа се Вељуса, Дабиле, Муртино.

 
Градоначалникот Заев:Југоисточниот регион има потенцијали за големи перспективи PDF Печати

Градоначалникот на општина Струмица, Зоран Заев, денеска присуствуваше на финалната конференција на Центарот за развој на југоисточниот плански регион која што се одржа во хотелот „Сириус“, а на која беше презентирана програмата за периодот 2015 – 2019 година.Тој, во своето обраќање, потенцираше дека овој регион е најдобриот, најубавиот и најперспективниот регион во Република Македонија и со севкупниот потенцијал со кој располага има големи перспективи.

 
Градоначалникот Заев: Инвестираме во нов модерен дел на Струмица кој ќе им служи и на идните генерации PDF Печати

Градежна офанзива се случува во дел од поранешната касарна на АРМ во Струмица. Се градат нови колективни објекти за домување и објекти од друг тип кои ќе бидат во функција на идните генерации струмичани. Градоначалникот на општина Струмица, Зоран Заев, денеска беше на лице место за да види до каде е  реализацијата на општинските инвестициони зафати.Во моментов се гради фекална и атмосферска канализација, но пред да информирам за карактеристиките на овој проект, сакам, граѓаните да знаат дека токму од овој урбан блок 36 и 37, а тоа е блокот на поранешната касарна, досега во општина Струмица се влеани преку 3,5 милиони евра.

 
Се санираа делови од патот кон населеното место Дорломбос PDF Печати

Општина Струмица го санираше патот до населеното место Дорломбос, односно делницата од населеното место Костурино во должина од осум километри. На неколку места овој дел од патот беше оштетен од невремето, поради што жителите имаа сериозни проблеми. Во завршна фаза е и изградбата на потпорниот ѕид на околу 100 метри пред селото со што целосно проблемите ќе бидат надминати и ќе се овозможи пристап на возилата до ова населено место.

 
Се тампонира улица во Егејското маало во Струмица PDF Печати

По изведбата на фекалната канализација, денеска почна тампонирањето на улицата во Егејското маало во Струмица. Поради лошите услови, а за да се постигне одредена јакост на теренот, до одредена висинска кота се поставува слој од покрупни камења, по овој ќе се постави слој од поситен камен, по што овој терен треба целосно да се стабилизира. Откако ќе заврши тампонирањето, Јавното претпријатие за комунални дејности „Комуналец“ ќе ги постави шахтите за канализацијата.Со градежните активности во Егејското маало кои почнаа пред неполни два месеци, ќе се решат проблемите со поплавите со кои се соочуваа граѓаните во изминатите години.

 
Активностите околу пречистителната станица се реализираат според утврдената динамика PDF Печати

Во Салата на Советот на општина Струмица се одржа состанок на тема “Ревизија на напредокот на реализација на активностите од проектот Пречистителна Станица –Струмица“ од страна на Џасперс експерти од ЕУ. На состанокот присуствуваа претставници од општина Струмица и ЈПКД „Комуналец“, претставници од министерство за животна средина и просторно планирање - ИПА одделение, министерство за финансии, делегација на ЕУ во Скопје, претставници на НИРАС и конзорциум и експертите на Џасперс (Jaspers).

 
Искуствата од Мадрид применливи во наставните методи во СОУ ,,Јане Сандански,, PDF Печати

Професорите од СОУ ,,Јане Сандански,, Виолета Николова, Софија Тошева и Сашо Пиличев, заедно со директорката на училиштето Вања Изова Велева, од 9. до 19. овој месец, учествуваа на меѓународниот образовен курс ,,Стимулирање на учениците преку заедничко учење,, кој се одржа во Мадрид (Шпанија). Станува збор за курс кој е во рамките на програмата ,,Еразмус,, на Европската Унија, а на кој, покрај групата од СОУ ,,Јане Сандански,, како единствени претставници од Македонија, присуствувле и учесници од Португалија, Бугарија, Грција, Романија, Белгија и Ирска. Според зборовите на професорите од струмичката гимназија, знаењата стекнати на курсот, ќе бидат инкорпорирани во методите на настава во училиштето.

 
«ПочетокПред123456СледноКрај»

Страница 1 од 6