Под покровителство на Градоначалникот и Советот се одржува турнир во пинг – понг

Под покровителство на градоначалникот Зоран Заев и Советот на општина Струмица, денеска и утре во општинското основно училиште „Маршал Тито“ во Струмица се одржува турнир во пинг – понг во кој учествуваат ученици од основните и средните општински училишта во машка и женска конкуренција.
Овој турнир се одржува во организација на Општинскиот сојуз за училишен спорт и пинг – понгарскиот клуб „Струмица“.

По повод патрониот празник на нашето училиште и 24-ти мај денот на македонските просветители, трета година по ред, а под покровителство на Градоначалникот и Советот на општина Струмица се одржува овој турнир. Бројот на учесниците е неограничен, а на најдобрите тројца натпреварувачи во машка и женска конкуренција ќе им бидат доделени пехари и дипломи, рече Благица Устапетрова, директор на ООУ „Маршал Тито“.
Денеска се натпреваруваа учениците од средните, а утре учениците од основните училишта.